Goyur

Dentro da preparación das actividades a desenvolver en decembro de Slalom e Boccia, coa asociación Amencer – Aspace no pabellón do Sánchez Cantón, buscando información atopamos este interesante video editado polo Centro de Referencia Estatal de San Andrés del Rabanedo – León.

Goyur é a Mascota do Centro. A súa misión é facer chegar aos máis pequenos o lema: «unha cadeira de rodas sirve para desplazarse, non para diferenciarse»

O circo na escola

Ademáis de desenvolver este ano o PDC no Sánchez Cantón, implicámonos nun Seminario Permanente organizado de xeito interdisciplinar con profesorado de distintos centros e niveis educativos: Secundaria, Ciclos de FP, Primaria, ESAD  de Vigo e centros de Cangas, Vigo e Pontevedra para abordar as técnicas de circo de cara a integralas nos nosos proxectos de creación dun espectáculo ximnástico – expresivo no que incorporaríamos algunhas técnicas de circo aproveitando a experiencia que no relativo á estructura de deseño e montaxe de espectáculos de todo tipo teñen xa algúns dos compoñentes do grupo CIRSCOLA.

Habilidades ximnásticas: uso metodolóxico dos gifs ou imaxes animadas

De cara ó aprendizaxe dos distintos elementos ximnásticos vistos nas sesións de Habilidades ximnásticas, é importante ter unha boa imaxen mental do movemento a realizar. A realización de videos curtos, series fotográficas dinámicas ou gifs dos distintos exercicios de progresión, mellora a imaxen mental do exercicio a realizar e axuda a ter unha boa percepción das continxencias espacio temporais a ter en conta polo alumno/a.